XVIII. GEOLOGIA OLINPIADAREN GARAILEAK
Ikasleek 3 probari aurre egin behar izan zioten: lehenengoa, 40 galdera zituen test erako proba teorikoa, bigarrena, arroka, mineral, egitura eta fosil desberdinak identifikatzeko 10 laginez osatutako test-motako proba praktikoa, eta hirugarrena, galdera-erantzunen kanporaketa-jokoa. Azken proba horretara aurreko bi probetan emaitzarik onenak lortu zituzten lau ikasleak heldu ziren eta lau akats egiterakoan, ikaslea jokutik kanporatua zen, ikasle bakarra gelditu arte.
Goiza proba hauek egiten igaro ondoren, Aitzol izan zen Olinpiadaren garailea eta Lier, berriz, bigarrena. Txalotzekoa benetan bi ikasle hauena! Zorionak! Geologiaren inguruan duten ezagutza-maila aparta erakusteaz eta praktikan jartzeaz aparte, euren inguruan dagoen ingurumenaz duten jakinmina adierazteko eta asetzeko aukera ezin hobea ere izan zuten.
Orain, biak, Vigon ospatuko den Geologia Olinpiadako fase nazionalaren partaideak izateko abagune paregabea dute, Bizkaia eta Gipuzkoako ordezkari gisa. Zorte on eta egurra!\”