Hauek osatzen dute Orientazio-Departamentua: Pedagogia Terapeutikoko irakasleek, bai Gorbeia edo Kurkudi geletakoek, bai DBHko geletakoek; Curriculum Aniztasuneko taldeko irakasleek, DBHko 3. eta 4. mailetakoek; eta bi orientatzailek.

Mintegi  honen eginkizunak irakasleei beren irakaslanean laguntzea eta ikastetxeari irakasteko eta ikasteko prozesuaren koherentzia eta ikuspegi bateratua ematea dira, Irakaskuntza Ertainetan dauden aldagai eta maila guztiak kontuan hartuta. Hala, bada, Orientazio-Mintegi  honen ardatzak dira hezkuntza-proiektuak proposatzea eta bultzatzea, metodologia berriak eskaintzea, integrazioa erraztea eta bultzatzea, ikasle bakoitzaren aniztasuna kontuan hartuta, eta lanbide-ibilbideak aukeratzeko prozesuan ikasle guztiei laguntzea.

Azken batean, tutoretza-funtzioa lau gai-multzotan antolatzen da: garapen pertsonala (ongizate emozionalerako hezkuntza emozionala), pertsonen arteko harremanak (bizikidetzarako hezkuntza, hezkidetza), ikaskuntza-prozesuak eta orientazio akademiko-profesionala.