Bizikidetza-Bizikasi

Bizikidetzarako hezkuntza, honek garrantzia handia baitu hezkuntza-komunitateko kide guztien ongizatean, baita ikasleen garapen pertsonal zein sozialean eta haien errendimendu akademikoan ere, helburu bihurtu da.

Horregatik, hezkuntza-komunitateari dagokio era guztietako baliabideak jartzea aurreikus daitezkeen gatazka-egoerak prebenitzeko, eta, horrela, ikastetxeko giro ona erraztuko da, eskola-bizitza modu ordenatuan eta atseginean gara dadin, eta, horrekin batera, irakaskuntzan eta ikaskuntzan emandako denbora handituko da; horrek ikasleen arrakasta pertsonal eta akademiko handiagoa ekarriko du.

Hori dela eta, aurreikusteko moduko gatazka-egoerei aurre hartzeko mota orotako baliabideak hezkuntza-komunitateari sustatzea dagokio. Horrela, zentroko giro ona ahalbidetu eta eskola-bizitza era ordenatu eta atseginez jardutea lagunduko du eta, ondorioz, ikaste-irakaste prozesuari eskainitako denbora gehitzea ere bai, honek ikasleen arrakasta pertsonala eta akademikoaren onerako izango delarik.

JM Barandiaran BHI institutuan errealitate horrekiko sentikorrak gara, eta, horregatik:

• Bizikasi ekimenean parte hartzen dugu, eskola-jazarpenaren aurkako eta bizikidetzarako ekimenean.
• Bizikasi ekimenak lagundu nahi du ikastetxeak elkarbizitza positiborako espazio seguruak bilakatzen, hau da, inolako jazarpen-egoerarik onartuko ez dutenak. Izan ere, hori lortzea ezinbestekoa da hezkuntza sistemaren xede nagusia betetzeko: ikasle guztien garapen pertsonalean lagundu eta konpetentziak eta tresnak ematea herritar aktibo eta arduratsu gisa parte har dezaten gizartean.
• Bat Taldea eratuta daukagu, Bullying-aren aurkako taldea .

• Ikastetxeko Elkarbizitzarako Behatokia eratuta daukagu.

Bizikidetzaren Behatokia bitartekaritza-organoa da. Funtsezko helburua elkarbizitza osasungarria eta prebentzio-ikuspegidun harreman egokiak eraikitzen laguntzea da. Foro hori BIZIKASI bizikidetza-programa berriari lotuta dago. Partaideak gurasoak, ikasleak eta irakasleak dira.

• Bizikidetza hobetzeko zenbait jarduera egiten ditugu: inklusio-proiektua, patio inklusiboa, bizibideak …
• Gure Bizikidetza Proiektua berrikusten ari gara, ikastetxean egiten diren ekintza guztiak sartzeko.